كيكة شوكولاطة سهله وسريعه للاحتفال بشهادة الباكالوريا او اي مناسبة:
الجينواز :
6 حبات بيض +6ملاعق سكر كبار سكر نضربوهم مليح حتى يطلع البيض +5 ملاعق كبار فرينة +1 ملعقة كبيرة كاكاو اسوداو بني نغربلهم ونمزجهم بالسباتولا او نضربهم (حوالي 15 ثانية فقط ) ونفرغ نصف الكمية في بلاطو مفرش بورق الطهي ونطيبوها من تحت على 180د مدة حوالي 12د الى 15د غير ينشف في الاطراف نطفي نشعل من الفوق ينشف كي نمسو بيدي مايلصقش نحي الجينواز تبرد .
من بعد نقطعها على شكل متساوي او بالسيرسو وندير ورقة الجينواز كقاعدة نسقيها شوية برك بالسيرو + ونضع طبقة
كريمة شانتي +جينواز نشمخها مليح بالسيرو + كريمة شونتي ونكمل نفس العملية مع باقي ورقات الجينواز
ونضع كطبقة اخيرة كريمة شانتي ونعدلها مليح ونضعها في الثلاجة حوالي 4 سا تبرد مليح تشد روحها
في كسرونة نفتت 150غ شكولاطة نذوبها على اعلى درجة من بعد ننزعها ونغلي شوية ماء ونضيفو للشوكولاطة بالتدريج حتى نتحصل على القوام المرغوب فيه (مع الاول تخسر بصح نبقى نحرك حتى تنسجم مليح
نتركها تبرد شوية ونفرغها فوق الكيكة بعد مانحيتها
نرجعها للثلاجة تبرد وتحكم روحها ننزعلها السيرسو ونزينها بالشانتي وشوكولاطة ( تزيين اختياري) .
السيرو :
كاس ماء 3 ملاعق سكر منكه قهوة فوق النار نحسب 12د ونطفيكريمة شانتي :
كاس ونصف حليب بارد +كاس ونصف بودرة الشونتي + منكه قهوة نطلعهم بالباتور حتى تولي كريمة نديرها في الثلاجة تبرد ونخدم بيها
