قراتان بيري بطاطا بالمرقاز بنين بزااف :
صلصة المرقاز :
في مقلة نضع القليل من الزيت ونضع كمية من المرقاز يتقلى ونثقبو بالفرشيطة باش الدهون يروحولو ونبدا نقلب فيه حتى يطيب ويتحمر من كل الجهات .
من بعد ننزع المرقاز ونقطعو الى قطع صغار ونتركه جانبا وننزع الزيت من المقلة نترك غير شويا ونضبف بصل طويل مقطع رقيق +3 سنينات ثوم نقص للنار حتى يذبال البصل +حبة طرشي مقطعه مربعات صغار +حبة جزر مسكرفجة في الخشين
يتقلاو على نار هادئة +حبة طماطم نسكرفجها وننزعلها الزريعة +ملح + فلفل اسود + راس الحانوت +ملعقة كبيرة طماطم مصبرة +فلفل احمر +مرقاز مقطع نمرق بكاس غير ربع ماء سخون ونتركها حتى تعقد الصوص شويا ونطفي عليها .
لابيري :
في مرميطة نضع حوالي 3 حبات بطاطا + ماء +كركم + ملح نضعها فوق النار تطيب من بعد نقطرها ونضعها في ايناء +جبن طري + شوية زبدة ونضربها بالباتور + فلفل اسود +زيتون اخضر +معدنوس ونمزجهم مع بعض ( اذا كان القوام تاع لابيري شاد روحو نضيف الحليب اذا قوام لابيري جاري منضيفلو والو ).
نحضر مول قراتا ندهنو بالزبدة ونفرغ لابيري ونسوييها بالملعقة مشمخة بالماء باش ماتلصقش البطاطا ويمكن ندير
في قوالب فردية ( RAMEQUINS) ونضع صلصة المرقاز فوق لابيري ونبشر عليها جبن وكي يلحق وقت التقديم
ندخلهم الفرن نشعل من تحت يسخن ومن فوق يذوب الجبن ويتحمر .
نزين بالمعدنوس ونقدم .
