طاكوس الدجاج طويل على الجمر مع خبز بنين في شط البحر :
كاس ماء +2 ملاعق زيت +ملعقة كبيرة سكر +ملعقة كبيلرة خميرة الخبز +ملعقة صغيرة ملح نمزج مليح المكوناات ونضيف
الفرينه بالتدريج حتى نتحصل على عجينة طرية نعجنها 5د ونتركها جانبا تخمر .
نضع فلفل اخضر الحار و(الطرشي)فوق النار يطيبو وحبات طماطم من بعد نقشرهم +شويه ثوم ونطعهم بواسطة السكين نضيف
الملح +زيت الزيتون ونتركهم عل جنب.
نقطع صدر دجاج قطع كبار شويه ونتبل بالفلفل الاسود + هريسه +كاري دجاج (التوابل الهندية ) + خردل +ملح + زيت +
كركم . نتركه يتشرب المكونات في حين نطيب الخبز .
بعد ماخمرت العجينه نهبطلها الخمور ونقرصها قريصات صغار بالاستعانه بالفرينة نفتح الخبزة على الطول شويه خشينة ونطيبها
غير يبدا يتنفخ نقلبو نطيبو نص طياب ونحيه .
في نفس المقله ندير فيها زيت ونقلي طراف الدجاج نقلبو كي يطيب نحيه وندير الحميص يتشرب وينشف .
نرفد خبزة نطليها بالجبن +دجاج نفتو شويه +القليل من حميص حار (اختياري ) + جبن قطع ونغلق الطاكوس على الطول
نضعهم فوق النار في مقلة فيها خطوط يتحمصو ويدو لون شباب ونحيهم .
