سمك في الفرن مع الارز وبطاطا سوتي :
المرحلة الاولى :
نقي السمك ( ميلي او الدوراد ....) نقطعو الزعانف بالمقص وننزع الحراشف بالسكين ومن بعد نفتحها كامل ننزع الامعاء ونقيها مليح .
نعصرها من الماء ونشفها مليح باشنقدر نمارينيها
في مول الفرن نقطعو بصلة +و1طماطم +و1طرشي+و1جزر +رند+ زعيترة +8 سنات ثوم +
نحضرو تتبيلة السمك :
نرابي 5سنينات ثوم + عصير نصف حبة ليمون +1 ملعقة صغيرة طماطم مصبرة +القليل من الزيت زيتون +ملح+ فلفل اسود +راس الحانوت + زنجبيل .
نشلحو السمك ونديرلو التتبيلة وفي الداخل نديرلو التتبيلة +رند + زعيترة +شرائح القارص ونتركها ترتاح 2سا
ثم نزيدولها كاس ماء بارد وقليل من الزيت وندخلها الفرن درجة 150 وكل 10د نسقوها بالمرق ثم نحمروها من فوق .
نصفو المرق ونقطعو الخضر ونقلوها في مقلاة ثم نضيفولها ارز مغلي ومعدنوس ونقدمووها مع بطاطا سوتي بالصحة
