سردين بالدرسه مرمد ف سميد مقرمش مع حميص مرحي ثنائي خطييير:
نقي ونغسل السردين ونتركه جااانبا .الدرسة :
في مهراس نضع راس ثوم + القليل من فلفل دريس ممكن الاستغناء عنه +طماطم مصبرة + هريسه ونهرس كلش .
نضيف الكمون ++فلفل اسود +كاري دجاج او راس الحانوت نكمل نهرس +زيت زيتون حوالي 3 ملاعق +2 ملاعق خل +عصير
نصف ليمونة + ملح ونكمل نمزج كلش . ونضع السردين في طبسي ونفرغ عليه الدرسة وندخلها كامل فيها ونتركه يرتاح ويتشرب
مليح .
الحميص :
نقطع 3 حبات طرشي دوائر + نصف حبه حار يمكن الاستغناء عنه + حبة طماطم نقطعها على 2 وننزع منها الزريعه
+3 سنات ثوم +شريحة بصل نضعهم كامل في مقله سخونة مليح فيها 2 ملاعق زيت الزيتون + ملعقة زبدة نتركهم يتقلاو حوالي
5د ونضيف فلفل اسود + ملح .نقص شويه للنار مرة على مرة ونتركه يطيب وينشف مليح ويتقلى من بعد نحيه ونرحيه في الروبو
+ زيت الزيتون ممكن نقدموه بارد او سخون
_ في جهة اخرى نقطع بطاطا دوائر ونقليها
_ في ايناء نضع فيه السميد رطب + ملح + فلفل اسود + كاري الدجاج ونمزجهم مع بعض ونرمد فيه السردين ونقليه في زيت ماشي
سخونة بزاف ونقليه 2 د من كل جهة ونقدموه مع بطاطا مقلية وحميص مع شرائح الخيار والليمون ونزين بالقليل من المعدنوس
