قرتان جريوات (القرعة أوكوسة) اقتصادي
تحضير:
ناخذ 4حبات جريوات اي كورجات او لقرعة متوسطة نقطعها دوائر رقيقة شوي نحمرها في مقلة فيها زيت على جهتين اي كي شغل تشوات منكثرش زيت زوج ملاعق فقط.ثم نجيب لي مول صغار حجم فردي او حجم عائلي نفرش كورجات طيقة مليحة .
ثم نجيب كاس نصف حليب (360ملل) ندرو فيه زوج بيض وكمية تع جبن ابيض مربعات.وملح وفلفل اسود نخلط جيدا نفرغ فلمول صغار او كبير على كورجات وندخلو فرن شاغل من تحت فقط كي يتحمر نحوه ولل حبا تزدولهم جبن مبشور درو وعاودو دخلوهم الفرن يتحمرو.
ملاحظة:
ولا درتو مول كبير حجم عائلي ضعفو كمية تع حليب حتى 3 كسان وبيض ثاني مثلا 5.
بصحة
