سكالوب محشي بلجبن بصلصة الفطر لشاف هشام:
التحضير:
عدنا سكالوب حسب العائلة نفتحوه بلحلال باه يرجع رقيق (نغطوه بورق الطهي او سلوفان ونضربوه باه يتفتح)ناخد اناء نضع فيه ملعقة خردل. شويا زيت. فلفل اشود. سننات ثوم ربي. راس حانوت. كاري دجاج. ملح. نصف حبة ليمون او خل. نخلطو وندرو سكالوب فيه ونخلطو مليح ونغطوه نخلوه ساعة على الاقل.
مرحلة ثانية:
ندير مقلة علي نار تسخن وندرو زيت وكمية تع بصل مقطع وسننات ثوم 2 ونخلظ نقلي مليح بصل وكي يتقلا ندرو شرائح الفطر ونزدو شوي لنارونقلوه ونزدو فلفل اسود. وملح شوي. ونقلوه حتي يتحمر مليح نحوه من نار.مرحلة ثالثة:
نجبو سكالوب شريحة وندرو فيها شويا خلطة البصل (بطول كي بوراك). ونزدو شوي جبن احمر شرائح اختياري او شدار. وندرو شرائح جبن ابيض ونلفو سكالوب علي الاقل زوج دورات ونغلقوه.ولاحبتو تلفوه فسلوفان وتحمروه فلكوشة خوله طويل ولا رح تقلوه فلمقلة قطعوه قطع مثلا علي 2 او 3.
مرحلة رابعة :
ندرو قدرة فيها ماء يغلي نزدو زعفران وملح ونذرو كاس ارز او حسب رغبة نخلوه يغلي. وكي اطيب نصفوه وندرو مقلة فيها زبدة ونخلوه يتقلا شوي يشرب زبدة.
مرحلة الاخيرة:
ندرو مقلة فنار ونحطو فيها زبدة وندرو وزيت يسخنو نجيبو سكالوب بعد مرتاح فثلاجة ونحطوه على قاعدة يتحمر على نار قوية شوي منبعد نقصلو بعد حوالي 4 د نقلبها من جهة أخرى باه تتحمر من كل جوانب. ولا خفتو يتفتحو درولهم اعواد الاسنان ليكوردو. ثم نقصو عليهم نار وخلوهم اطيبو في عقلهم.كي يتحمرو نوضيف شوي حشوة فطر متبقية ونزدو زعترة ونخلوه يتقلا وكي ينشف من ماء ندرو كرام فراش ونخلوه يتشرب مليح كريمة. ماشي كامل نخلو شوي. ثم نحوه.
نجبو طبق التقديم نحطو فلوسط ارز بشكل جميل ومن الاطراف قطع سكالوب بعد مقطعناه قطع صغيرة شوي وندرو عليه صلصة فط وشويا جبن رابي والمعدنوس وبالصحة
