اروع فطيره بحشوه رهيبه ماشي ناشفه البنه تسيح :
في اناء نضع نصف كأس حليب تع 240ملل +حبه بيض+ملعقه ناقصه شويا خميره الخبز +ملعقه كبيره سكر +2ملاعق كبار زيت +ملعقه صغيره ملح +٢ كيسان كبار فرينه ونمزجهم مع بعض ونبدأ نعجن كي تتلم شويا طريه ماشي تتلاصق بزاف نخطوها وتركها ترتاحتحضير الحشوه :
في مقله سخونه نقلي مرقاز مليح مع التقليب المستمر ونثقبوه باش يخرج زيت تاعو وكي يتقلا مليح نحي زيت من المقله.. ونرجع المرقاز بعد مقطعناه ونقلوه مع حبه بصل طويل 5د ثم نضيف الطرشي مقطع رقييق ونضيف حبه طماطم مقطعه بلا قشور وبلا زريعه ونقلي ونضيف سنه ثوم كبيره والقليل من الفلفل الحار مقطع رقيق ونمزجهم مع بعض +ملح +فلفل اسود +زيتون أخضر +راس الحانوت +ملعقه صغيره طماطم مصبره ونقلوه مليح ونضيف القليل من الماء ونقص النار وتركها طيب على مهلها وكي تشرب لاصوص نضيفولها القليل من كرام فراش (حوالي نصف كأس) ونمزجهم مليح ونضيف الجبن الأبيض وكي تتشرب شويا نطفي عليها ونتركها تبرد.نحظرو لعجينه ونقسمها على 2ونحلها رقيقه شويا رنعبرو سنيوه في العجينه ونقطعو حسب المول وتدهن المول ونضع العجينه ونخرج أطراف العجينه فوق السنيوه باش متهربش نثقبوها ونعمروها حشوه ونزيد نحل عجينه أخرى ونقطعوها بالحلال وندهنوها بالبيض ونزينو بزيتون شرائح والقليل من المرقاز وندخلها طيب حتى تتحمر
و بالصحه والهناااء
