كعك

            كعك :

مقادير:

فاني
ملعقة ونصف خميرة خبز

2ملاعق كبار سكر
4ملاعق زيت
كاس ونصف حليب دافي
ملح وفرينة

التحضير:

نفرغ حليب في اناء نزدو سكر وخميرة ونخلط مليح ثم نزدو زيت ونخلطو ثم نزيدو فرينة نعبرو بلكاس تع حليب ندرو كاس الاول ومعاه فاني نخلطو نزذو ثاني وثالث ونخلطو ولا مزال متلمتش نزدو نصف ونلمو حتي تتلم وجي شوي تتلصق كي تتكون عجينة طرية نهبطوها علي طاولة عمل ونعجنوها حوالي 5د عينكم ميزانكم فلفرينة ولا خصت زدو بشوي كي تدلكو فيها مهم جي تتلصق شوي وطرية وكي تولي عجينة ملساء وطرية ندرولها فرينة ونحطوها تخمر مليح

   تشكيل :

نهبط العجينة ونقطع كويرات صغار نحطهم يتخمرو 5د بعد ذلك ناخذ الكرية الاولى لي بدينا بيها 

نحلها حربوش رقيق وطويل وضفرها علي زوج وشكلو كيما كعكعات عادي شكل مدور كي مسيسات
حطوهم في صنية بعدوهم وخلوهم يتخمرو دهنو بليض مخلط بحليب جزء لي لصقو عليها حبيبات شكولا او فرمسان لي عندكم
وجزء درو خليط بيض كاكاو ودهنو ودرولهم ججلان
دخلهم للفرن سخون 180د لرف علوي كي يتنفخو نقصو عليهم نخلوهم اطيبو وكي يتحمرو ملتحت نشعلو لفوق عينكم مزانكم نخرجوهم دهن بنباج اي لجولي ولي معندهاش عسل او معجون مخفف بعسل كبدليل لجولي