تحلية الشكولاطة بلموز المكرمل :
المرحلة الأولى
في كسرونة نضع نصف كاس حليب (120ملل)مع ربع كاس كريمة طازجة(60ملل)نخلط ونحطهم علي نار حتي الغليان.ناخذ كسرونة ثانية نضع فيها 2 صفار بيض و2 ملاعق كبار سكر نخلط مليح بلفوي بسرعة كي اذوب سكر نحيها علي نار ونفرغ عليها خليط كسرونة الأولى لي فيها حليب ونخلط ونرجع فوق نار ونخلط بسرعة بدون توقف حتي يخثر ويوصل درجة حرارة 85 ولا معندكمش مقياس حرارة عمرو شوي طلعو فوق وفرغو ولا هبط يجري يعني مزال ولا كي شغل خيط نحوها. دروها في طاس مكسور زدو عليها علبة شكولاطة اي نوع مفتتة وخلطو مليح عمرو كؤوس تقريب فوق نص ودروهم فثلاجة.
مرحلة ثانية موز مكرمل
في كسرونة ندير حبة موز مقطعة و5ملاعق حليب (35ملل) نخلط نحطو فوق نار يسخن نحيه.في كسرونة أخرى نضع تقريبا نص كاس سكر او اقل شوي (60غ)نحطو فوق نار اذوب ونخلطو بعود شواء حتي اذوب اولي لون احمر ونضيف عليه خليط موز ونحرك جيدا حتي اذوب سكر ميقعدش محبحب ونطفي عليه وندرو في طاس مكسور ونخلط جيدا حتى يبرد ونعمر بيه كؤوس لي در ناهم ‘نزين بسكوي مفتت اي نوع ولوز ‘و شكولا
تزين حسب رغبة
