ديول تاع البيع :
بعد ماارتاحت العجينة نشمخ يديا باماء (حوالي كاس كامل) وندخل هاذاك الماء في العجينة ونضغط عليها باليد حتى تصبح مثل عجينة المسمن نقوم بهاذي العملية باش العجينة يصبح فيها العلك .
ملاحظة ( اخذتلي كاسين ونصف من الماء ).
نشمخ يديا بالماء ونعاود نرجعها للايناءنخبطها بيديا باش يدخل فيها الهواء وتصبح خفيفة ونتركها تريح 20د ( كل ماتريح تجي النتيجة مليحة ) .
نشمخ يديا بالماء ونرفد كمية نخدم ونضرب ونمشي في الصينية فوق نار هادئة ونكرطها في الاطراف بالملعقة حوالى 10ثانية وتكون طابت .
نقدر نطيبها تاني فوق مقلة تكون ماتلصقش على نار هادئة جداوكل مانخدم ورقة زوج نحي المقلة من فوق النار ونضعها فوق البوطاجي باش تبرد شويا المقلة ونعاود نرجعها فوق النار .
كل مانطيب ورقة الديول نحضر طرشون مندي وعصرتو ونحطو فوق ورقة الديول ونغطيها بيه .
نستف الورقات تاع الديول طزينات . في كل طزينة يوجد 12 ورقة وكي نجي نحط ورقة الديول على الورقة الاخرى لازم الجهة اليابسة مع الجهة الطرية . نضعهم في اكياس بلاستيكية ونخبي في المجمد وقد مايطولو مايصرالهم والو . وفي وقت الحاجة ننزع الطزينة من المجمد نتركها ديكونجلا بغرضها ونخدم فيها الحشوو ( حسب الرغبة )
نقليهم في زيت سخون
سينية لي نطيبو فيها :
تكون جديدة نقلبها فوق القرياج ونثقبها في الاطراف ونشدها للقرياج وكي نجي نستعملها ندهنها باشحمة تاع الغنمي يابسة نخدم بيها واحد 2او 3 كيلو تاع الديول تصبح ماتلصقش ومانحتاجش ندهنها
