مقروط مرمل ساهل ماهل :
المرحلة الاولى :
3كيلات سميد متوسط +كيلة زبدة ذايبة وباردة+رشة ملح نمزج الخليط مليح ونلم بخليط من الماء +ماء الزهر(حوالي كاس 240ملل) نلم فقط بلا ما نعجن حتى نتحصل على عجينة شادة روحها كي نزيرها ف اليد يخرج شويا ماء وماء زهر
نغطيها ونتركها ترتاح نصف ساعة .
المرحلة الثانية :
نخدم الغرس نضيفلو زبدة ونعجنو حتى يطرى نخدمو حرابشالمرحلة الاخيرة :
منبعد ماترتاح العجينة نخدمها حربوشطويل ونضع ثقبة في الوسط باش نضع الغرسونغلقو ونعدلو وندورو باليد ثم نقطعو مقروطات والحجم حسبالرغبة نعدلهم ونقليهم في زيت سخونة مليح وغير ندير المقروطات في الزيت نقص النار نتركها متوسطة نقليهم حتى يتحمرو وننزعهم من الزيت ونضعهم مباشرة في العسل بارد . نتركهم فيه حتى نقلي مقروطات اخرين ونحيهم من العسل باش يشربوفي وقت التقديم ندفي العسل والمقروط يكون بارد
وشهية طيبة








