قراتا باذنجال محشي باللحم :
في اناء نضع 350حتي 400 لحم مرحي نزدو بصلة مقطعة رقيقة بزاف و3 سننات ثوم ربي ومعدنوس رقيق ملح. فلفل اسود ونخلط مليح ونحطو على جيه.نجبو بذنجان نقطعوه شرائح طولية حوالي نصف سم
نسخنو طاجين مليح وندرو فيه زيت ونحمرو بذنجان تعنا مليح من جهتين ماشي حتي يتحرقو ونحوهم نحطوهم في كسكاس يقطرو من زيت.
ناخذ بلا تع كوشة نحطو فوق طبونة ندرو فيه زيت يسخن ونزدو طماطم مسكرفجة حوالي زوج او 3 حبات ونقلوها ونزدو ملعقة طمطام مصبرة و4سنات ثوم كبار ربي. فلفل اسود. فلفل احمر ونخلط مليح ونزدو رند وزعترة ونخلط وزوج كسان ماء سخون ونخليها تغلي حوالي 10د.
نحو بلا ونجبو بذنجان ندرو في شريحة شويا لحم ونلوهيا ونضغطو عليها شوي نحطوها فبلا مستفين حتي نكملو وندخلوها الفرن حتي يتشرب ماء ويطيب لحم ونحوها
صوص بشاميل:
في كسرونة سخونة ندرو ملعقة زبدة نذوبها نزدو ملعقة فرينة او اكثر بقليل ونخلط جيدا ثم نزيدو حليب سخون بتدريج ونحركو حتي تثقال بشاميل جي عقدة شوي نحوها نزدو عليها فلفل اسود وملح وجبن اختياري.كي اطيب قرتان نحوه نفرغو عليه بشاميل و نربو عليه جبن وندخلوه للفرن يتحمر وتزين معدنوس بصحة
