ارز بالفرميسال محمص اقتصادي خفيف وبنين:
معندك لا لحوم لا خضر مايسلكك غير ارز بالفرمسيال محمص اقتصادي خفيف وبنين
التحضير :
نضع في قدرة معلقة زيت تسخن ‘ندرو كركاسة دجاج. حبة جزر.03 سنات ثوم. ملح ونقلي مليح ولي عندها بصل وزعترة دير. وندرو ماء مغلي نخلوه يغلي مليح حوالي 40/45 د ولي معندهاش جاج دير جنبو يغلي. نحوه بعد ميطيب.تحضير ازر وفرمسال:
نجيب كسرونة ندير في نصها ارز وكمية تع تع فرمسال ربع كمية تع الارز.
نجيب سنوة تع فرن بلا حديد ندرو فيها زبدة ونحطو فرمسال نحمصوه مليح اولي لون تعو بورتقالي نحوه.
نزدو قطعة زبدة ونحطو الارز يتحمص جيدا علي درجة حرارة متوسطة كي تحمص الارز نزيد عليه شعرية ونخلطو جيدا ندر ملح وفلفل اسود وراس حانوت. ولي حبت كيما تع مشرق دير هيل مرحي وقرنفل اختياري. ونخلط
ثم نضيف مرق دجاج دوبل كمية تع الارز ونغطيه بورق زبدة وندخلو الكوشة وكي يشرب او يطيب نجبدو نذقو ولا خص مطبش نزدول شوي مرق دجاج حتي اطيب. ونحيه مباشرة ونزدلو شوي قطع الزبدة و‘نخلطو
وراه واجد رفقوه مع شي لي حبيتو. بصحة
