ميني سوفلي كالزوني محشيه الجوانب

                   ميني سوفلي كالزوني محشيه الجوانب :

العجينة :

         نصف كاس حليب دافئ+ نصف ملعقة كبيرة خميرة الخبز + ملعقة صغيرة سكر + حبة بيض نمزج كل المكونات
ونضيف ملعقة ونصف زيت الى 2 ملاعق +2 كؤؤس فرينة + ملعقة صغيرة ملح ونعجن ونضيف الفرينة بالشوية حتى نتحصل على عجينة طرية نضعها في طاولة العمل تكون مرشوشة بالفرينةونعجنها 5د ونتركها تتخمر

الصلصة : 

   في كسرونة نضع القليل من الزيت +عضم دجاج نتركه يتقلى + حبة بصل طويل + حبة طماطم + قطعه جزر +2 سنات ثوم +
ملح+ فلفل اسود + راس الحانوت + زعيترة + ملعقة طماطم مصبرة  نتركهم يتقلاو شويا ونضيف كاس ماء سخون نترك كلش يطيب بعد 20د نطفي عليها ونطحنها ونصفيها واذا كانت جارية نرجعها فوق التار حتى نتخثار .

الحشو :

     في مقلة نضع فيها القليل من الزيت + صدر دجاج مقطع مكعبات صغار يمكن تعويضه بالتونة .يتقلى ونضيف عليه  حبة بصل + الطرشي (فلفل اخضر) +ملح +فلفل اسود +راس الحانوت +كاري الدجاج + زيتون اخضر نتركه يطيب مليح حوالي 5د .

بعد ماترتاح العجينة ننهبطلها الخمور ونقرصها كور صغار نتركهم شوية يرتاحو ونفتح دائرة فوق طاولة  العمل مرشوشة بالفرينة

 نضع جبن طري في الاطراف  + صلصة + حشو + جبن مبشور ونقطع شوية في الطرف ونغلق على الاطراف مثل بيتزا محشوة الجوانب وندهن بالصلصة ونزين بالطرشي + زيتون .

 كي يطيبو من التحت نطفي نحمرهم من الفوق .( اذا وجدتو بلاصة ماشي محمرة زيدو ادهنوها بالصلصة ). 

كي يطيبو نحيهم ندهنهم بزيت الزيتون ونزين بالمعدنو وشوية زيتون