قرتان لازاموساكا

قرتان لازاموساكا :

مقادير:

300غ لحم مرحي او اقل
جزرة.بصلة.قطعة طرشي. سننات ثوم
زعترة. حبة مليحة طماطم
زوج بذنجان
اوراق لزنيا
جبن ابيض
صوص بشاميل خفيفة وضفلها جبن ابيض
توابل فلفل اسود. فلفل احمر. طماطم مصبرة. ملح
مول تع فرن

تحضير مرحلة اولى صوص بولونياز

نسكرفج جزرة ونقطع بقية قطع صغيرة معدا طماطم نقليهم مليح ثم نزدو لحم و فلفل اسود وملح وفلفل احمر ونقلو مليح واحد دقيقتين. ثم نزيدو حبةطماطم مسكرفجة وملعقة طماطم مصبرة ونخلطو واحد دقيقة نضيفو كاس ماء دافي وزعترة
ونخلوها طيب علي نار هادئة
2/ نشوي بذنجان ونقيه ونقطعوه رقيق بزاف
نضيفو بذنجان لخليط لحم ونخلطو نخلوه دقيقتين كي ينشف شوي نحوه ونفرغوه في اناء اخر يبرد نرمي عليه قطع جبن اختياري
تحضير اوراق لزنيا
ندرو ماء في مقلة مع زيت كي يغلي نحط بعض اوراق كي يتبدل لونهم من اصفر للابيض نحيهم برفق مباشرة في ماء بارد
ناخذ مول ندهنو بصوص بشاميل تكون خفيفة شوي ونستف اوراق لزنيا عينك ميزانك حتي تغطي مول ثم نفرش طبقة تع لحم مليح ثم نزيد بشاميل فقو ثم اوراق لزنياونزيد طبقةاخيرة تع لحم وبشاميل ونزيد ورق لزنيا ثم ندهن طبقة اخيرة بكمية قليلة بشاميل ونربي جبن شدار فرقيق عليها وندخلو فرن 15د من الاسفل مشعول ثم نشعلو لفوق يتحمر وبصحتكم