دجاج محمر لشاف هشام ❤🍗:
جيبي جاجة كاملة ولا دي موغسو حطيهم فالبلا ديالك و من جهة جيبي مغرف كبيرة زبدة ذايبة مع 2 ملاعق زيت زيتون كبار و 2 ملاعق ملح صغار و 1 ملعقة صغيرة فلفل اسود و ملعقة صغيرة كمون و ملعقة صغيرة راس لحانوت و زوج ملاعق كبار موتاغد و ورق الغار ( رند ) و زعيترة و خمسة سنات ثوم مسكرفجة و ملعقة كبيرة خل و عصير نصف ليمونة مخلطوهم مليح و نفرغوهم على دجاجة تاعنا ندهنوها مليح بالصوص هديك مبعد نجيبو حبة بصل مسكرفجة و حبة طماطم مقطعة صغيرة و نحطوهم فوق الدجاج و نحطو فوقو قطع زبدة و نخلوهم فالفريجيدار ليلة كاملة ولا كنتي مزروبة خليهم حوالي نص ساعة برك باش الجاج يشرب الصوص هديك و حطيها فوق الفورنو اول شي ( ادا كان البلا ديالك تع حديد حطيها ديراكت فوق فورنو وادا كان تع زجاج ما تحطيهش فوق نار ديراكت يتكسر انا درت فتاع حديد درت ديراكت فوق فورنو ) مالا جيبي مقلاة كبيرة ديري فيها مغرف زبدة و زيت و جيبي جاج ديالك حطيه فالمقلاة و خليه يتحمر و بقاي تقلبي فيه يعني حتى يتحمر من برا كامل رجعيه للبلا و ديريلو نص كاس ماء و رديه للفرن و كل عشر دقايق شوفيه انا دالي وقت نص ساعة خاطر خليتو طاب مليح فوق الفورنو باش درتو فالفوغ و شهية طيبة 🍗❤
البطاطا باش جيك لذيذة و كما تع برا خليها خمس دقايق فالما بارد و كي جي طيبيها مقلاة تاعك تكون غامقة و زيت فيها كمية معتبرة يعني كي ديري البطاطا ديالك زيت تغطيها كامل و ما تحطيش لبطاطا حتى تكون زيت سخنت مليح كي ديري بطاطا فالمقلة نقصي للفورنو ديري نار متوسطة و غطيها و ما تحركيهاش كامل خليها طيب حوالي 7دقايق بالفرشيطة برك تقدري تعرفي ادا طابت ( ملاحظة ادا كنتيو تحبوها حمرة و مقرمشة ما تغطيهاش )
