تحلية الشكولاطة اقتصادية خفيفة سريعة وبنينة :
في كسرونة ندير كأس حليب+ملعقة كبيرة سكر+فانليا نحطها فوق النار تسخن
في كسرونة أخرى ندير فيها حبة بيض+ملعقة كبيرة معمرة مليح نشاء وكي يسخن الحليب لي حطيناه ي كسرونة أخرى نفرغ النصف منو على النشاء والبيض نخلط باش النشاء تتفتح مليح النصف تاع حليب نعاود نرجعو على النار حتى يغلي نضيفو على خليط النشاء والبيض ونخلط بسرعة ونعاود نرجعو فوق النار يطيب حوالي 2د مع التحريك المستمر.
وغير نحيه نضيف شوية زبدة نخلط حتى تذوب+ ملعقة كبيرة تاع شكولاتة الطلي ولي يحب حلاوة يزيد حتى 2ملاعق نخلط باش تنساجم وتذوب الشكولاته، ونفرغ في كؤوس الخاصين بالتحلية ندير ملعقة كبيرة من كريمة الشكولاته+فتات الجنواز (اي جنواز عندكم)ممكن تشربوها بالسيرو
ندير نصف كأس شانتي بودرة+نصف كأس حليب (نضيف قبل نصف كمية الحليب ونطلع من يعباش نزيد نصف الكمية) حتى تطلع ونضيف نصف كمية كريمة الشانتي كريمة الشكولاته المتبقية ندير شوية حبيبات شكولاتة+كريمة الشانتي نخبطها شوية باش تتعدل وندير كريمة الشانتي كطبقة أخيرة نسويها نزينها بالكاكاو.
