وصفات عيد الاضحي شطيطحة بوزلوف

                       شطيطحة بوزلوف :

     نقطع راس البوزلوف  بمنشار احسن من الشاقورة من المستحسن قطعوه الى قطع صغيرة باش يطيب بالخف

من بعد نغسلو بالماء والملح والخل ( اذا بوزلوف مشري من الاحسن يتغسل ملييح واذا كان تاع نهار العيد مكلاه تغسلوه يكون جديد )
نطيبوه في الكيكوط  ونوضعو معاه الماء +حبة بصل مقطعة + سنات ثوم ونغلق عليه حوالي 2 سوايع
        بعد ميطيب  نتركو يبرد مليح وننزعلو العضم ونقطعو الى قطع صغار

في كيكوط سخونة ننضع القليل من الزيت  +بوزلوف يتقلى على نار قاوية من بعد نضيف حبة بصل مقطعه رقيق +حميصة + 6 سنات ثوم +2حبات طماطم مسكرفجة نمزج كلش نتبل بالكمون + فلفل اسود+ راس الحانوت + فلفل احمر + ملعقة كبيرة طماطم مصبرة +نصف ربطة حشيش + ملح نمزج كلش ونتركها تتقلى ونمرقها بكمية مليحة من الماء سخون خاطرش كيكوط تشرب
 ونغلق عليها ونتركها تطيب حوالي 20الى 30د من بعد نفتح  على الكيكوط اذا طاب البوزلووف نزيد عليه القرعه او بطاطا وحشيش ممكن تزيدو الحار نعاود نغلق عليها قيس ماتطيب القرعه  ننزينها بشرائح الليمون + معدنوس