عصبان دوارة بنت خرافية :
حشو العصبان :
حوالي 400غ لحم مفروم ( لحم مفروم بالنسبة لي ميحبوش الريا ) +شوية بصل + جلبانة +قليل من ارز ابيض ماشي طايب+حشيش +فلفل احمر +راس الحانوت + فلفل اسود +ملعقة طماطم مصبرة + هريسة حسب الرغبة +ملح +4 سنات ثوم +
مرحي ونخلط كلش ونعجن من بعد نحشي ونعمر الدوارة لازم نخلي شوية فراغ خاطرش كي طيب تتنفخ وباش ماتتطرطقش ونخيط كامل العصبانات ونثقبهم بعود الشواء .
مرقة الدوارة :
في كيكوط فيها القليل من الزيت نضع القليل من الدوارة مقطعة رقيقة نتركها تتقلى على نار قاوية مدة 5د ونضيف البصل يتقلى ويذبال نضيف طماطم حبة +ثوم + ملعقة طماطم مصبرة +راس الحانوت + فلفل احمر +فلفل اسود + كمون +ملح
ونمرق بالماء سخون حتى يتغطى العصبان ونوضعو في كيكوط ونغلق عليه نترك كلش يطسب حوالي نصف ساعة من بعد نشوف
اذا طابت نضيف قرعة + جلبانة + حشيش ونعاود نغلق الكيكوط نترك كلش يطيب حوالي 10الى 15 د ونطفي ونزينها بالحشيش او الحار
طريقة تنضيف الدوارة :
ماء سخون شويا لكل لتر من الماء 4 ملاعق خل نضع الدوارة في ماء سخون نحيها ونغسلها ونكرطها بالموس
