سجق رولي مقرمش مع صلصة ثومية الاصلية مثل المطاعم :
درسة المرقاز :
5سنينات ثوم + ملعقة صغيرة هريسة +ملعقة كبيرة ماشي معمرة طماطم مصبرة +كمون +فلفل اسود +ملح +فلفل احمر
لكن الوصفة الاصلية يضعوا فيها ( 7 بهارات +فلفل دريس .واذا درتو 7بهارات ماتوضعوش الكمون والفلفل الاسود )
نرحي كلش في روبو واذا كانت كمية التوابل قليلة نضيفو لها القليل من اللحم المرحي .نزحي ونضعها في ايناء نضيف لها حواالي
300غ لحم مفروم نمزج كلشونتركها جانبا .
نرفد الخبز اللبناني نقسمو على 2 ونحكم الجهة لي طايبة ونطليها بالدرسة لازم تكون طبقة رقيقة نطوي ونضغط في نفس الوقت
باش نخرجلها النفس وتتغلق ونخليهم في المجمد يبردو شوية
بعد مايبردو نحيهم ونقطعهم الى قطع متوسطة نقليهم في زيت سخونة شوية لكن نار هادئة حتى يتحمرو ننزعهم ونقطرهم .
نقدمهم مع سلطة وصلصة ثومية
الصلصة الثومية لي تطيب :
في كسرونة نضع ماء يغلي مليح ونضيف عليه (ملعقة ونصف نشاء حليتها في القليل من الماء ) نمزج بالفوي بسرعة نتركها تطيب حوالي 1د من بعد ننزعها نديرها في طبسي نغطيها بكيس بلاستيكي نتركها تبرد .بعد مابردت نضعها في طاس الميكسور +4سنات ثوم +بيضة كاملة +ملعقة عصير الليمون نميكسي مليح ونضيف 2 ملاعق زيت نكمل نميكسي ( واذا جات ثقيلة بزاف نضيف شويا ثلج من المجمد او ماء باارد منها تخفاف ) ونطلع +2 ملاعق زيت ونكمل نخلط + فلفل اسود او (فلفل ابيض) +ملح ونخلط .
وشهية طيبة
